Volve Dena Activa: xogos populares no Magosto do Coirón Dena

Despois dun tempo sen publicacións, volvemos ao blog cunha actividade moi especial para celebrar o Magosto. Aínda que inicialmente estaba previsto celebralo fóra do centro, as condicións climatolóxicas obrigáronnos a adaptarnos, mantendo o espírito festivo cunha serie de estacións de xogos populares dentro do colexio. 

Queremos agradecer ao alumnado, profesorado e familias a súa colaboración, e especialmente ao alumnado de sexto B, Poder Indeciso, por axudar a coordinar as actividades con entusiasmo e responsabilidade. 

Seguimos a prol dunha escola saudable e sostible.

Radio Dena Activa

Co curso xa rematado, queremos compartir con vós unha mostra do compromiso e dedicación que hai no equipo docente do Coirón Dena. Nesta ocasión podemos escoitar a un grupo de mestras conversando sobre o proxecto do centro, todo para probar a radio e poñela en funcionamento co noso alumnado. 

Gracias por tanto equipazo! 

Vídeoconferencia HCL

 Hoxe tivemos unha vídeoconferencia co CEIP Plurilingüe Lope de Vega, chamados na nosa liga "Os Frugívoros do Lope". Foi unha experiencia enriquecedora que culmina entre este centro e o noso a gran labor desta iniciativa. 

Dende o Equipo Promotor de Hábitos Saudables queremos dárlles a en hora boa pola súa gran participación e, por suposto, pola súa involucración na liga en todo momento. 

Poden consultar as preguntas que foron foco de atención durante a vídeoconferencia e deixamos unha imaxe do momento. 

Preguntas Videoconferencia

Poñemos cara aos guías da HCL

 

4ª Xornada HCL

 

4ª Xornada HCL

Resultados Healthy Champions League

 "Quizais non se trate do final feliz. Quizais se trate da historia"

A frase anterior fai eco no proxecto Dena Activa. Para nós os resultados son números, uns mellores que outros pero todos positivos, xa que non se trata do final, trata da historia que nos levou a ese final. 

Coa liga rematada concluímos que a nivel galego 1288 nenas e nenos consumiron na merenda da mañá durante o mes de maio 15883 froitas. 

Dende o Equipo Promotor de Hábitos Saudables escribimos isto pedíndovos que vos imaxinedes un sonoro aplauso para todos e cada un dos centros que participastes nesta gran iniciativa. 

E agora, sen máis, coñecemos os resultados finais:

• Toquifruti CF: con 62 participantes, consumiron un total de 368 froitas, acadando 1,187 puntos na liga e ocupando o 13º posto. 

• Os Toxos de Castroverde: con 12 participantes, consumiron un total de 121 froitas, acadando 2,017 puntos e ocupando o 12º posto.

• Os Sanotes de Corvillón: con 95 participantes, consumiron un total de 1076 froitas, acadando 2,265 puntos e ocupando o 11º posto.

• Conmeniño Saudable: con 125 participantes, consumiron un total de 1455 froitas, acadando 2,328 puntos e ocupando o 10º posto.

• Os frugívoros do Lope: con 160 participantes, consumiron un total de 1872 froitas, acadando 2,340 puntos e ocupando o 9º posto.

• Dena Activa: con 233 participantes, consumiron un total de 2816 froitas, acadando 2,417 puntos e ocupando o 8º posto.

• Torre Healthy: con 117 participantes, consumiron un total de 1398 froitas, acadando 2,420 puntos e ocupando o 7º posto.

• Os Siareiros do Manuel Sieiro: con 44 participantes, consumiron un total de 541 froitas, acadando 2,459 puntos e ocupando o 6º posto.

• Colexio de Carril CF: con 37 participantes, consumiron un total de 467 froitas, acadando 2,524 puntos e ocupando o 5º posto.

• O club de Ramón: con 49 participantes, consumiron un total de 719 froitas, acadando 2,765 puntos e ocupando o 4º posto.

• Pérez Frutti: con 307 partipantes, consumiron un total de 4259 froitas, acadando 2,775 puntos e ocupando o 3º posto.

• A Lama SD: con 10 participantes, consumiron un total de 161 froitas, acadando 3,220 puntos e ocupando o 2º posto.

• Choiciños CF: con 37 participantes, consumiron un total de 630 froitas, acadando 3,405 puntos e ocupando o 1º posto.

En hora boa a todas e todos e millóns de gracias por sumarvos a este desafío saudable.

O Post da Healthy Champions League

Sabemos que moitas e moitos estades ansiosos por coñecer os resultados finais da liga, pero queremos facelo dun xeito moi especial. 

Antes de nada, queremos preguntarvos: recordades porque naceu a Healthy Champions League?

Cando a presentamos viñamos a dicirvos que “o segredo da educación é ensinar de tal maneira que non se dean conta de que están aprendendo ata que é demasiado tarde”, unha frase de Harold E. Edgerton. Esperamos que logo deste gran desafío esta frase cobre sentido para todas e todos vos.

E sen máis, dicirvos que como sabedes, a semana pasada foi a última xornada da liga, a cal nos deparou algunha que outra sorpresa. Ao longo dos vindeiros días faremos un post da liga, publicando os resultados, analizando datos e moito máis. 

Pouco a pouco coñeceremos os mellores centros galegos en materia de saúde.

Non o perdades!

3ª Xornada da Healthy Champions League

Benvidas e benvidos a unha nova xornada da HCL,

houbo moitas sorpresas nesta xornada. Por un lado queremos destacar a subida de "A Lama SD" ata o 2º posto, con nin máis nin menos que 0,96 puntos na xornada. Tamén ascende "Fruteiros Siareiros do Manuel Sieiro", aínda que non superan os rexistros que acadaron na súa primeira xornada. E como sobresaínte aparece da nada "Toquifruti CF", que acadan 0,91 puntos, acercándose ao mellor rexistro establecido polo líder da liga na 1ª xornada. 

E con respecto a este último, o gran líder "Choiciños CF", mantense no 1º posto, sen embargo corre risco de perdelo, "A Lama" e o todo poderoso "Pérez Frutti" acechan moi de preto. 

Sen máis, chegamos a última xornada da liga con sabores dulces e agridulces, igual que as protagonistas da mesma: as froitas. 

Que credes que nos deparará esta última xornada?

Agardamos os vosos comentarios e estamos desexando que chegue o final!

Un saúdo, 

con sabor a froita!

3ª Xornada HCL

Patios DINS

Dentro da proposta de patios xa fai tempo que decidimos incorporar o slackline cunha tirolina. Hoxe por fin o fixemos, polo que pronto poderemos gozar dos seus beneficios: mellora da postura, elasticidade nas articulacións, control respiratorio ou control do corpo. Estes son algúns dos moitos que nos aporta, sen esquecer a diversión e o esparcimento que ofrece este deporte. 

Pronto teremos máis novidades do patio, xa que antes de rematar o curso temos previsto inaugurar novas zonas e espazos. 

Non o perdades!

2ª Xornada da Healthy Champions League

Superamos xa o 50% da liga e os resultados son os seguintes. A verdade é que aínda queda moito que dicir, pero a cousa xa pinta moi ben para algúns centros. 

Quen pensades que gañará?

2ª Xornada HCL

Barco teledirixido

Pasou a primeira semana da Healthy Champions League ocupando a décima posición do ranking. Sen embargo, foi unha semana positiva, xa que recuperamos o consumo de froita dos anteriores trimestres. Pasamos de 522 a 669 froitas durante unha semana. 

Ademais, temos que facer mención especial ao equipo Fantasma de 4ºA, onde son 13 participantes e consumiron un total de 60 froitas na semana. 

Por elo son os gañadores do "vale por un día" para usar o barco teledirixido no estanque! En hora boa equipo!