2ª Xornada – Fase 2 da Healthy Champions League (Maio 2025)

A Healthy Champions League segue medrando e cada vez son máis comprometidos os centros no reto de vivir con saúde! Con esta segunda xornada, os 10 participantes chegaron ao total de 8.589 froitas no mes de maio!

📊 Clasificación actual:
🥇 Chouciños – 1,680 froitas por participante. Lideran con forza esta fase! 
🥈 A Lama SD – 1,600. Un centro pequeno pero que xoga ao grande! 
🥉 Dena Activa CF – 1,283. Os promotores da liga manteñen a posición no podio! 

🔝 Tamén destacan esta semana:

• Fruti Magaláns (1,278)

• Os Froiteiros do Xoán de Requeixo (1,273)

• Conmeniño Saudable (1,233)

💬 Quen logrará manter o ritmo nas últimas xornadas desta fase? Superaremos as 10.000 froitas? O reto está en marcha!

Healthy Champions League Hcl 2025 Fase 2 Maio (1)

Publish at Calameo

Letras Galegas 2025

 Emoción, tradición e implicación! 

Este venres pola mañá celebramos no cole as Letras Galegas 2025 cunha xornada chea de actividades que mesturaron cultura, lingua e moita participación!

Organizamos 14 estacións con 7 xogos tradicionais galegos:

• 🐔 Galiña Desplumada

• 🔑 A Chave

• 🤝 Sogatira

• 🌽 Recollida de Mazarocas

• 🐷 A Porca

• 💺 As Cadeiras

• 🎳 Os Birlos

👧🧒 Os grupos foron interniveis, desde 3 anos ata 6º de Primaria, con arredor de 15 nenos e nenas en cada grupo. Cada estación tiña unha duración entre 7 e 10 minutos.

🧑‍🏫 O máis destacable?
A autonomía do alumnado de 3º ciclo, que organizou, explicou e dinamizou cada xogo sen intervención do profesorado, que estivo nunha posición de observación e apoio externo.

🎶 Música, baile e lingua!

💃🕺 Ademais dos xogos, cada curso participou nun baile en roda colectiva.
🎵 E como peche emotivo, cantamos todas e todos o Himno Galego coa emoción que merece este día.

📌 Outras propostas dinamizadoras da lingua galega tamén estiveron presentes. Podes descubrilo no Blog de Lingua Galega 👉 (clic no enlace).

Grazas a todo o alumnado e profesorado por facer desta xornada un verdadeiro exemplo de colaboración, cultura e identidade! 💙

Comeza a edición de maio da Healthy Champions League! 🍏

 Arrincamos con forza esta nova edición da nosa HCL, e xa temos os primeiros líderes da clasificación!

📊 Clasificación tras a 1ª xornada:
🥇 1º Chouciños – Volven á cabeza demostrando que o espíritu saudable segue vivo!
🥈 2º A Lama – Os campións da primeira edición non se renden e seguen fortes!
🥉 3º DENA ACTIVA – Os promotores da HCL tamén suman puntos dende o primeiro día!

💬 A competición acaba de comezar, e todo está por decidir. Seguimos comendo froita, sumando saúde e xogando en equipo! 🍎💪

Healthy Champions League Hcl 2025 Fase 2 Maio

Publish at Calameo

Día Mundial da Saúde e da Actividade Física 2025